École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Jan. 1244, n. s.

" C. Petri militis de la Forest, de concessione nemoris quod vendidit nobis Symon de Ramboil. "

  • A Original en parchemin scellé.2 — Inv., p. 48, l. A, nº 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, Petrus de Foresta, miles, salutem in Domino : Noverint universi quod Symon de Rambuel, armiger, et Eustachia, uxor ejus, vendiderunt abbati et conventui Vallium Sarnaii omne nemus et fundum ejusdem nemoris quod habebant in nemore quod dicitur Nemus Follosium1, contiguum in una parte nemori dictorum abbatis et conventus, et ex alia parte nemori Johannis de Sarnaio, armigeri, quod nemus movebat de feodo meo ; et, tanquam dominus, venditionem predicti nemoris laudo, volo et concedo, ad petitionem dictorum Symonis et Eustachie. Et volo et concedo ut dicti abbas et conventus predictum nemus, ratione dicte venditionis, habeant, teneant et possideant in perpetuum, in manu mortua, sine coactione vendendi aut ponendi extra manum suam ; et quicquid in dicto nemore habebam vel habere poteram quoquo modo, do, cedo et quito dictis abbati et conventui superius memoratis. In cujus rei memoriam, presentes litteras eisdem abbati et conventui sigillo meo tradidi sigillatas. Actum .


1 Voir la charte précédente.
2 Débris de sceau en cire verte, sur queue de parchemin. Un écu de...... à trois chevrons de....... Légende : .......e Bvr....... Pierre, sur son sceau, prend le titre de Divite Burgo, comme dans la charte qui suit.