École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Jun. 1253

" C. de donatione Theboudi, dicti le Fiéfié, de Vernolio, videlicet de quinta parte cujusdam pecie terre site subtus Broillart-super-Secanam, in dominio heredum de Marliaco. "

  • A Original en parchemin scellé1. — Inv., p. 126, l. A, nº 15.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis archidiaconi Pissiacensis, salutem in Domino : Notum facimus quod Theboudus, dictus le Fiéfié, de Vernolio, dedit et concessit, coram nobis, pro remedio anime sue, religiosis viris abbati et conventui de Sarnayo, in puram ac perpetuam elemosinam, a dictis religiosis im perpetuum pacifice posidendam, quintam partem cujusdam pecie terre arabilis, quam habebat sitam subtus Broillart-super-Secanam, in dominio heredum de Marliaco, ad sex denarios parisienses censuales, , annuatim im posterum persolvendos, prout idem Theboudus asseruit coram nobis. Confessus fuit etiam coram nobis dictus Theboudus se vendidisse et nomine vendicionis penitus concessisse dictis religiosis totum residuum terre pecie supradicte, pro quatuor libris parisiensibus sibi quitis, de quibus se tenuit coram nobis plenarie pro pagato. Et fidem prestitit in manu nostra corporalem idem Theboudus quod contra elemosinacionem et donacionem et vendicionem istas non veniet aliquatenus in futurum. Insuper Guillermus le Fiéfié, filius dicti Teboudi, et Alipdis, relicta defuncti Lamberti le Fiéfié, elemosinacionem et vendicionem istas laudaverunt, voluerunt et penitus concesserunt ; et fidem in manu nostra corporalem prestiterunt quod contra premissa vel aliquid premissorum venire de cetero nullatenus attemptabunt. Promisit insuper dicta Alipdis, etc............................. In cujus rei testimonium et munimen, presentes litteras, ad peticionem parcium predictarum, sigilli nostri munimine duximus roborandas. Actum .


1 Débris d'un sceau rond en cire verte, sur queue de parchemin. Ce sceau, beaucoup mieux conservé, sera décrit plus tard au nº DXLIV, p. 504.