École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Jan. 1211, n. s

Carta episcopi Carnotensis de decima Marchivi, apud Vosiam.

  • A Original en parchemin. — Inv., p. 124, l. 1, nº 1.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Raginaldus, Dei gratia, Carnotensis episcopus, universis sancte matris Ecclesie filiis, tam futuris quam presentibus, ad quos littere iste pervenerint, salutem in Domino : Noverit1 universitas vestra quod Marchivus de Bercheriis, in presentia nostra constitutus, quicquid habebat in decima de Voise, quam ex parte Ysavie, uxoris sue, possidebat, resignavit in manus nostras, ad opus monachorum Vallium Sarnaii ; volentibus hoc et, fide corporaliter prestita, concedentibus predicta Marchivi uxore et duabus ejusdem uxoris sororibus ; quarum trium hec sunt nomina : Ysavia, Adelina, Jaquelina ; concedentibus etiam hoc Petro de Junviler, patre illarum, et tam ipsius liberis quam ipsarum. Insuper etiam approbavit hoc et concessit Arnulphus de Escrignoles, ad cujus feodum predicta decima pertinebat. Nos autem, resignationi huic applaudentes diligenter et benigne, predictis fratribus memoratam decimam concessimus, in perpetuum libere et quiete possidendam, exceptis minutis decimis. Quod, ut ratum permaneat, sigilli nostri munimine roboravimus. Actum .


1 Il existe un second exemplaire de cette charte, scellé en cire jaune du sceau de l'évêque, pendant à des lacs de soie verte et rouge (Inv., p. 124, l. 1, nº 1 bis). Sa teneur présente ici quelques variantes ; on y lit : « Noverit universitas vestra quod Marchivus, in presentia nostra constitutus, quicquid habebat in decima de Voesia, quam ex parte uxoris sue possidebat, monachis Vallium Sarnaii in perpetuam elemosinam contulit et concessit, et in manus nostras, ad opus eorumdem fratrum, eamdem decimam resignavit, » etc.