" C. de mortificatione II arpentorum terre arabilis, que mortificati fuerunt a Johanne de Arseio armigero. "
- A Original en parchemin. — Inv., p. 33, l. 2, nº 6.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus presentes litteras inspecturis, officialis curie Parisiensis, salutem in Domino : Notum facimus quod Johannes de Arseio, armiger, recognovit et confessus est coram nobis se in manu mortua posuisse duo arpenta terre arrabilis, sita versus Breteschiam, in territorio quod vocatur la Haiee Pedis-Loti, in feodo ipsius Johannis, ut dicebat, abbati et conventui Vallis Sarneii, pro quadraginta solidis parisiensibus, jam sibi solutis in pecunia numerata, sicut confessus est coram nobis ; renuncians, etc.............................. Asseruit eciam coram nobis Johannes predictus quod dicta duo arpenta terre arabilis legata erant dictis abbati et conventui, im puram et perpetuam elemosinam, de elemosina et legato relicte defuncti Gilonis de Nealpha-Castri1. Retinuit autem dictus Johannes in dictis duobus arpentis terre arabilis duodecim denarios annui census, videlicet sex denarios pro quolibet arpento superius nominato, sibi et heredibus suis im perpetuum solvendis annuatim, , ab abbate et conventu superius nominatis. .
1 « Bertaudus de Castris.
