École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Apr. 1255

" Mortificatio bone memorie Raginaldi episcopi, de elemosina Guidonis de Caprosia. "

  • A Original en parchemin. — Inv., p. 58, l. B, nº 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Reginaldus, miseratione divina, Parisiensis ecclesie minister indignus, universis presentes litteras inspecturis, salutem in Domino : Noverit universitas vestra quod nos volumus et concedimus ut dilectus et fidelis noster Guido, dominus Caprosie, possit conferre, cuicumque vel quibuscumque voluerit, in elemosinam, viginti quatuor libras parisienses annui redditus, de feodo nostro moventes, ubi eas duxerit assignandas, ita tamen quod ejus heres et ipsius heredis successores tenentur et tenebuntur perpetuo, nobis et successoribus nostris predictis, viginti quatuor libras annui redditus reddere, tales redeventias quales de dominio suo moventes de feodo nostro nobis debent, et quales ipsi nobis prestarent, si dictum redditum in manu sua propria tenerent, ad quod idem Guido eosdem heredes suos coram nobis specialiter obligavit. In cujus rei testimonium, presentes litteras sigilli mei munimine fecimus roborari. .


3 Cette pièce est jointe au testament de Hervé de Chevreuse, de mai 1262.