École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » Nov. 1262

" Renoudus de Pennilleuse, " de venditione trium peciarum terræ in terragio de Penillosa.

  • A Original en parchemin. — Inv., p. 75, l. 4, nº 5.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Noverint universi tam presentes quam futuri quod ego Renoldus de Coarvilla, pro salute anime mee et antecessorum meorum, dedi et concessi, in puram et perpetuam elemosinam, Deo et abbacie beate Marie de Vallibus Sarnaii et monachis ibi Deo deservientibus quicquid acquisieram in parrochia de Penillosa et de Vernoniel1, videlicet tres pecias terre sitas in terragio de Penillosa ; quarum prima sita est apud le Roont feu Querei, juxta terram heredum Martini, carnificis, defuncti ; secunda sita est apud Culturam-Herqueuboudi juxta terram heredum domini Petri de Bogleinvilla, militis, defuncti, et tertia sita est juxta terram Odonis le Mercier ; et etiam unam masuram sitam apud Vernoniel, inter cheminum domini regis, ex una parte, et masuram Ricardi, dicti Oe, ex altera, tenendam et in perpetuum possidendam predictis monachis et successoribus suis, quiete et pacifice, absque reclamatione aliqua mei vel heredum meorum de cetero facienda ; salvo tamen jure capitalium dominorum. Hanc autem donationem et concessionem ego dictus Renoldus et heredes mei tenemur prefatis monachis et successoribus suis contra omnes gentes garantizare. Et ut hoc firmum et stabile permaneat in posterum, ego dictus Renoldus presentem cartam sigilli mei munimine roboravi. Actum .


1 Renaud avait acquis ces héritages, en septembre 1259, de Guillaume Galeis et Emeline, sa femme. Voir, p. 551, la charte DXC, dont la pièce que nous publions complète les mots mutilés.