École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Seconde moitié XIIe siècle » 1197

De donatione terræ du Fay et quatuor arpentorum prati, a Roberto Chalmont et Amaurico filio ejus.

  • A Original en parchemin. — Inv., p. 141, l. 1, nº 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis ecclesie Christi fidelibus, Odo, Parisiensis episcopus, salutem : Propter pacis caritatisque custodiam quam nos inter fideles curiose oportet observare et eos in bonis pro viribus adjuvare, notificamus et sigillo auctoritatis nostre corroboramus, quod Robertus Chalmont et filius ejus Amaurricus dederunt ecclesie Sarnaii et monachis ibidem Deo servientibus totam terram suam de Fay, sitam juxta terram de Creches, liberam et quietam ab omni censu, decima et campiparte, continentem circiter centum LXX arpenta, contigua ex una parte chemino tendenti de Bonnella ad Molerias, et ex alia pratis du Fay et terris de Grignon ; et ex una alia parte terris, jardinis et muris clausure du Fay ; et ex alia chemino tendenti de Sarnayo ad Chaubuisson. Et etiam dicti Robertus et Amaurricus dederunt prefatis monachis IIIIer arpenta pratorum, sita et contigua ex una parte predicte terre et ex aliis partibus dictis terris et jardinis du Fay. Et sciendum quod Robertus et filius ejus, heredesque eorum terram illam deservire debent, et jure ab omni calumpnia etinquietatione liberam monachis conservabunt ; et hoc manu tenere sub fide sua, in presentia nostra, juraverunt. Gauterius quoque Rochart, de cujus feodo terra illa est, coram nobis hoc se manu tenere promisit, et dominium quod in eadem terra habebat eidem ecclesie quittavit. Notum sit etiam quod Symon, dominus de Gomet, miles, capitalis dominus, omnem justiciam qaam habebat in eadem terra eisdem monachis dedit, nichil sibi retinens nec heredibus suis ; uxore sua Hersende non solum assentiente, set ut hoc faceret adnitente et admonente. Habuit autem predictus Robertus pro hac donacione a dictis monachis LXta libras ; et dictus Amauricus XXXta libras. Hec autem donacio facta est per manum nostram, communi assensu omnium supradictorum. Hujus rei testes sunt : Marcellus, clericus noster ; Thomas marescalus ; Guillelmus, sacerdos de Gomet ; Herembertus, sacerdos de Caprosia ; Hugo Bibens ; Herveus, clericus de Lymoiis, et Fromundus, frater ejus ; Guarinus de Germonvilla ; Ramnerius ejusdem ville et Ricardus de Molleriis. Actum .


1 Encore une des pièces fausses signalées par nous, p. 28.