École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » 1205

De donis Guillelmi de Malrepast.

  • B Copie. — Déclaration de 1511, fº 103 vº.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Guillermus de Malrepast, miles : Notum sit omnibus quod ego volo et concedo, quod viri religiosi abbas et conventus beatæ Mariæ Vallium Sarnaii domum et granchiam suam de Aita et circiter trecenta arpenta terræ, sita in diversis locis et pluribus peciis, in territoriis videlicet de Aita, de Trembleto, de Couldreio, des Festes, de Ponte Carnotensi, de Lapendie, de Moncellis, de Chamborz, de Villa Nova, et duodecim arpenta pratorum, sita in praeria de Aita, in locis pluribus inter Moncellos et Coldreium, et generaliter omnia alia de dominio meo moventia, quæcumque acquisierunt in tota terra et castellania mea de Malrepast, sive in feodis et retrofeodis meis, ubicumque existunt, teneant in perpetuum et in manu mortua, cum omni jure, dominio, et justitia alta et bassa, quæ in omnibus supradictis habebam vel habere poteram, quocumque modo seu quacumque ratione ; nihil juris, justitiæ seu dominii, michi nec hæredibus meis retinens in præmissis ; sed omnia maneant libera et quieta præfatis religiosis et eorum monasterio. Et quantum ad hæc omnia firmiter observanda me obligo, et hæredes meos relinquo in futurum obligatos. In cujus rei testimonium et munimen, præsentibus literis sigillum meum duxi apponendum. Actum .